Երեքշաբթի, 9 սեպտեմբեր 2014-ին, Ֆրանչիսկոս Սրբազան Քահանայապետը, Վատիկանի Պետական
Քարտուղար` Կարտինալ Փարոլինի ստորագրութիւնը կրող պատգամ մը յղած է ՏԱՀԵՇ-ի ձեռքով
գլխատուած ամերիկացի լրագրող` Սթիվէն Սոդլոֆի ընտանիքին։ Պատգամին մէջ Կարտինալ Փարոլին,
լրագրողի ընտանիքին փոխանցած է Քահանայապետին մօտիկութիւնը ի տես ''ողբերգական մահուան'',
ինչպէս նաեւ անոր անկեղծ ցաւակցութիւնները։ Պապը – գրած է Կարտինալ Փարոլին - Սթիվէնի
հոգին կը յանձնէ Տիրոջ` աղօթքներ բարձրացնելով ձեզի ու բոլոր անոնց որ կ՛ողբան անոր մահը։
Սրբազան Քահանայապետը կը հրաւիրէ աշխարհի մարդիկը մերժելու բռնութիւնն ու անկարեկցութիւնը
ու կը խնդրէ աղօթել եւ գործել ներումի, ապաքինումի եւ խաղաղութեան ի սպաս ու ձեր վրայ
կը հայցէ Ամենակարող Աստուծոյն սփոփանքի եւ քաջութեան օրհնութիւնները